Kочани, 15.12.2025
EmpowerInclusive беше иновативна проектна активност кој имаше за цел да ги зајакне поединците, особено младите и лицата од социјално и економски загрозени средини, преку стекнување современи вештини, знаења и практични алатки за успешен кариерен развој и претприемачки активности. Проектот беше фокусиран на користење на AI-поддржани дигитални алатки и отворени едукативни ресурси како средство за зголемување на вработливоста, самодовербата и пристапот до онлајн можности за работа на европско и глобално ниво.
Главната цел на EmpowerInclusive (https://empower-inclusive.eu/) беше да придонесе кон поинклузивен пазар на труд, каде што секој имаше еднаква можност да напредува, без разлика на своето потекло, образование или социјален статус. Преку комбинација од едукација, практична обука и меѓународна соработка, проектот создаде простор за учење, размена на искуства и развој на иновативни идеи.
Имплементација и активности
Проектот се реализираше преку неколку клучни активности. Првата активност беше креирање на Отворени едукативни ресурси (OER), кои беа бесплатно достапни и опфатија теми како кариерно планирање, дигитални и AI вештини, претприемништво и онлајн работа. Овие ресурси беа прилагодени за различни целни групи и овозможија самостојно и флексибилно учење.
Втората активност опфати национални и меѓународни дијалог работилници, каде учесниците имаа можност да дискутираат за предизвиците на пазарот на труд, да разменат добри практики и да стекнат нови перспективи преку интеркултурна соработка.
Третата активност беше LTTA – меѓународна обука и работилница, која овозможи подлабоко учење, практична примена на стекнатите знаења и зајакнување на соработката помеѓу партнерските организации и учесниците од различни земји.
Четвртата активност беше општо управување и имплементација на проектот, со фокус на квалитет, координација, следење на резултатите и долгорочна одржливост.
Остварени резултати
Преку EmpowerInclusive беше постигнато значително подобрување на кариерните перспективи на целните групи, развој на претприемачки вештини и зголемен пристап до онлајн можности за работа. Проектот резултираше со одржлива OER платформа која поттикна прекугранично учење, комуникација и соработка. Преку вебинари, едукативни материјали и интерактивни работилници, учесниците беа оспособени поефикасно да се снаоѓаат на пазарот на труд и да ги користат можностите што ги нудат AI-поддржаните алатки.
EmpowerInclusive не беше само проект, туку значаен чекор кон поинклузивна, дигитална и одржлива иднина за сите.
