05, Јули 2020
Успешно реализирана обуката – ”Stand up for human rights”
Младинските работници од Јунајтед Јут на 05.07.2020 (Недела) организираа обука – Stand up for human rights која се одржа на туристичкиот центар Пониква – Осоговски планини.
Пониква — туристички центар и викенд-населба на Осоговските Планини во источна Македонија. Оддалечен е околу 20 км северно од Кочани, на надморска височина од 1.560 метри во предел со густа букова шума и разновидна вегетација. Зацртан како еден од 34-те зимски туристички центри во просторниот план на Република Македонија, Пониква завзема особено важно место во развојот на туризмот и општиот развој на Осоговијата.
Урбаниот простор опфаќа два ски-лифта, викенд-куќи (единечни и двојни), автокампови, бунгалови, објекти за дневно снабдување, повеќенаменски простори, терени за спорт и рекреација, хотели, одмаралишта, угостителски објекти, сервис и услуги за скијачка опрема. На Пониква, покрај викенд-населбата, неколкуте мотели, има и детско одморалиште со капацитет од 220 легла.
Природните убавини, еколошки чистиот амбиент и поволната клима се одлични предуслови за големата посетеност на туристите. За да има можност за побрз развој, на туризмот на месноста Пониква, потребно е да се изврши подобрување и довршување на инфраструктурата, обезбедување на доволни количини вода и електрична енергија. Покрај веќе изградените спортски терени се повеќе се најавуваат иницијативи и потенцијални заинтересирани инвеститори за изградба на патеки за биатлон и нордиско трчање. Покрај Пониква на Осоговијата има и други извонредни места за изградба на патеки за скијање со поголема должина, како што се терените под Царев Врв (Султан Тепе – 1085 м).
Обуката е реализирана со цел да ги мотивира младите и младинските работници активно да учествуваат во младинската работа и меѓународните соработки овозможени од Ерасмус + програмата.
Обуката се одржа според следниот редослед:
- Меѓусебно запознавање на учесниците преку Energizer и креирање на позитивна енергија и тимски дух за работа
- Реализација на STOP AND WALK Energizer за релаксација на учесниците и промоција на позитивен дух
- Во следниот дел од обуката беше реализирана презентација на Ерасмус + можностите. Учесниците беа запознаени со можностите кои ги нуди програмата и сите новости поврзани со истата. Во текот на овие активности обучувачите ги запознаа учесниците со темата на обуката – Human Rights и ги промовираа документите за заштита на човековите права поддржани од Европската Унија и ЕУ институции.
- Во следиот дел од обуката учесниците беа вклучени во дебата за човековите права и правата на говор, избор, работа, социјална заштита, движење и сл. Учесниците во текот на оваа активност се запознаа со активноста од не формaлното учење СИМУЛАЦИЈА. Учесниците беа поделени во групи и ги промовираа човековите права преку сценарио. Во текот на оваа активност учесниците преку интересен начин ги промовираа своите идеи и се забавуваа во процесот на симулација.
- Симулација нарушување на правата на лицата со посебни потреби
2) Симулација нарушување на правата на децата
3) Нарушување на правата на уличните музичари, право на творење и право на хуманост
По завршувње на симулационите активности учесниците учествуваа во финална евалуација и проценка на постигантите резултати од активноста.
Нашата организација активно соработува и со регионални, национални и интернационални соработници, индивидуи и институции.
Во следниот период нашата организација ќе организира различни видови на обуки.
Следете не!
